Eintritt Misterio en Solymar, de Debullando Teatro en Coruña, A
Preto de Samaín, un misterio que involucrará ao público entre risas e sorpresas.
Durante unha cea con espectáculo no recoñecido Restaurante Solymar, prodúcese un asasinato inesperado.
A que debía ser unha noite perfecta convértese nun escenario de caos e sospeitas. Todos son posibles culpables: a dona do local, o chef, a barman, as camareiras. Cada un/unha dos empregados/as posuía un motivo e cada un tivo a súa oportunidade.
A través da testemuña da propia vítima, que rompe os límites entre a vida e a morte, o público irá descubrindo unha historia marcada polos ciumes, as traizóns e as envexas que arrastran feridas do pasado. Nada é o que parece. Ninguén é inocente.
Nesta obra interactiva, o público non se limita a observar: participa, investiga e decide.
NOTA: Poderán ser beneficiarias da entrada reducida as persoas dos seguintes grupos: mozos e mozas con Carné Xove (12 a 30 anos), maiores de 65 anos, persoas con un grado de discapacidade recoñecida, persoas desempregadas, perceptores de Rendas Sociais, membros de familias monoparentais ou numerosas.
No caso de mercar a entrada reducida deberá presentarse documento acreditativo da situación específica xunto coa entrada no momento do acceso ao espectáculo. De non dispoñer desa proba documental, poderase denegar o acceso.
